هذا المطعم فتح سنة ٢٠٢٠ وتطوّر بشكل ملحوظ من بدايته صار هو المكان الرئيسي لتقديم المنتو المختص. 

وشّو المنتو المختص؟ لا تخاف.. ما يقطرون المنتو ولا يقدمونه آيس دريب: بس إنهم يتخصصون بأنواع مختلفة منه مثل المومو والجايوزا المشوية والخيارات النباتية.

أعجبتنا قصتين ومعلومة: 

القصة الأولى: فيه رحلة عمل خيرية لأحد ملّاك هذا المطعم لنيبال سوّت خير في السعوديين كلهم: لأنها عرّفتها على أكلة المومو النيبالية. 

والقصّة الثانية قصة الشيف موقيش، من مواليد نيودلهي في الهند، تعلّم فنون الديم سُم أو المنتو الصيني في فندق الماريوت في مدينة شانديغار من كبير الطهاة الصيني ونقل معرفته الحرفية بإمتياز. 

هذا الشيف بدأ من الصفر، يغسّل مواعين وتدريجيًا تعلّم يسوّي أشياء مختلفة في مباشرة من كبير الطهاة: لقى شغفه في صناعة المنتو الصيني. 

والمعلومة انهم يستخدمون صلصة صويا مطبخ فريس المفضلة: كيكومان. 

كل طلب في هذا المطعم هو فرصة جديدة لتمرين حاسة التذوّق عندك، أطباقهم المنوعة والملوّنة توديك أماكن مختلفة. 

هذا اختياراتنا من زيارتنا له في هذا الأسبوع: 

دمبلينق محشو بالدجاج والكزبرة مميز بلونه الفنسجي اللي يجي من عصارة الملفوف على عجينة المنتو. 

دمبلينق محشو بالدجاج والجزر وبوك تشوي (شبيه الملفوف الصيني) مع مشروم شيتاكي الشهي. 

دمبلنق محشو بالدجاج يسبح في حمام من شوربة الزنجبيل العطرية. تحذير! لازم تأكله بالطريقة الصحيحة ولا بيحترق لسانك. 

طلّع الشوربة أولًا من الدمبلنق واشربها قبل ما تأكله.

دمبلنق محشو بالجمبري والثوم المعمر والكرفس، ثلاثي يتكاملون بشكل مثالي في فمّك. 

حبات ذرة مقلية تنفجر بنكهات في فمّك، وهذا هو الطبق الأكثر طلبًا من الجميع. 

وش معنى اسم المطعم "مومو"؟ المنتو له أسامي مختلفة حول العالم، مومو هي كلمة تعني منتو باللغة النيبالية،

نفس الطبق تقريبًا، حمام بخار لقطع عجين محشوة حشوات مختلفة ولها تسميات عديدة حول العالم: في كوريا يسمونه ماندو، في آسيا الوسطى يسمونه مانتي، في روسيا يسمونه بيليميني واليابان يسمونه جايوزا. 

الصين تاريخيًا هيّ مصدر هذا الطبق وله عندهم مسميات مختلفة حسب الفروقات المناطقية: ديم سام أو باوزي أو جيو لونق باو. 

وفي أمريكا يسمونه اسوء اسم: لاصقات القدر pot stickers. 

‎ 

كانت هذي رابع نشراتنا في لستة "مطعم الأسبوع".

تبي تصير من المحظوظين اللي وصلتهم أول ناس؟ سجل بالنشرة البريدية من هنا

أما لو تبي تشارك هالتوصية مع قروب العائلة، شارك التوصية عبر واتساب