لثاني لستة من كلماشي قررنا نعلّم الناس عن أغرب الأسرار اللي لقيناها في مطاعم السعودية، لكن حبّينا نوضح انها أسرار مهب سرّية.. يعني فيه ناس كثير يعرفونها. نتمنى تستمعون باللستة، وتطولون بالكم علينا إذا طولنا عليكم. 

هل عندك استعداد تروح لمطعم كودو وتقولهم بقبق؟ تشوف موظف الكاشير، وتحط عينك بعينه، وتقول بقبق؟ إذا ايه، فمبروك! أنت بتعرف أغرب سر مهب سري في السعودية.  

بقبق هي كلمة سرية يستخدمونها موظفين كودو تعني: 

وخّر العجين    -    remove the dough 

ما تصدقنا؟ رح لأقرب فرع كودو وابلع كبريائك وقل: واحد كودو لحم.. بقبق. 

أو إذا ودّك، شف هذا التكتوك اللي صوّرناه لواحد يطلب داخل فرع كودو.

مازلنا بالبقبقة 🐔 ...لكن من نوع آخر.
البقبقة شيء مستحيل تسمعه في مطاعم الطازج لأنهم يحرصون على استخدام نوع معين من الدجاج.
مب النوع اللي ما يبقبق، كل الدجاج يبقبق.
النوع اللي نقصده هو: الصغير بالعمر. أكبر من الصوص بشوي وأصغر من الدجاجة.
مطاعم الطازج عندهم مبدأ لذيذ جدًا: ما يبيعون أيّ دجاجة عمرها أكبر من ٢١ يوم. بس مو هذا السرّ المب سرّي عنهم.. السر المب سرّي حقهم هو....

انهم سلسلة مخابز حلويات شرقية متنكرة على شكل مطعم بروستد..
جرّب بسبوسة الطازج.

ماك. ماكدونالدز. ماكدونالز. ثمنية وثمنين، مكدوه. أشهر مطعم بالعالم. تلقاه في نيويورك والمجمعة. مثال حيّ لقوّة رأسمالية حقيقية لدرجة انه فيه شيء اسمه: الـ Big Mac Index
وهو مصطلح إقتصادي تستخدمه واحدة من أهم المجلات العالمية الاقتصادية  The Economist عشان يقيسون فيه القوة الشرائية لعملات دول العالم. من كبر مطعم ماكدونالدز، في عالم الأعمال ما يعتبرونه شركة مطاعم.. يعتبرونه شركة عقارات.

شف فيلم ذا فاوندر على نِتفليكس عشان تعرف قصة بداية هذي الشركة العملاقة.

أطلب البيق-ماك بسعر مخفّض.

بدال ما تطلب بيق-ماك، أطلب تشيزبرجر وحط الإضافات هذي: 

صح خسرت الخبزة اللي بالنص، بس كسبت ٣ ريال. هذا رابط موقع عقار عشان تصرف ثروتك اللي كسبتها. 

دايمًا حرّصهم على الفاتورة. 

مطاعم ضخمة زي ماكدونالدز دايم ترسل متسوقين سرّيين shoppers mystery عشان يحافظون على جودة الفروع.

هذولي المتسوقين دائمًا يطلبون فاتورة عشان يتحاسبون على الطلبات. أطلب الفاتورة وألعب على ذكاء الكاشير ويمكن يعطيك أفضل خدمة ممكنة.

(نصيحة إضافية: تقدر تطلب كل نكهات الماكفلوري بكأس واحد. بس تسألني ليش؟ أقولك ليش لا؟)

وشلون تهكّر الشاورما؟

تكلمنا في اللستة الماضية عن الشاورما، وعرفنا ان شاورما الدجاج أكلة طلعت من السعودية، السؤال هو: وشلون تهكّر الشاورما؟ هذا هو السر اللي مب سري، اللي غالبًا كلنا نعرفه وهو: 

أطلب الشاورما إبعة

‍

اذا طلبت ابعة يشطرون رغيف الخبز عشان قبل ما يلفونها يجيك خبز أقل، ولحم/دجاج أكثر. 

هذي ألذ طريقة ممكن تأكل الشاورما فيها، لكن للأسف أغلب مطاعم الشاورما وتطبيقات التوصيل ما تعترف فيها.. بس يا حظّك تقدر تحرّص مرسول يطلبها لك إذا وصل للمطعم. 

مشروب بالنسياقا

سمّينا المشروب هذا بلنسياقا لأن اللي بيطلبونه غالبًا لابسين بالنسياقا وموجهين لصاد سكوير.
الطلب هذا مو ايس اميركانو، بس لازم تقول ايس اميركانو اذا جيت تطلبه.. عشان كذا تعودنا. 

الطلب:

المشروب المرجوج

الكلاسيكي، الأصلي، بدون منافسه، هذا هو المشروب الأفضل من ستاربكس: نقطة التقاء بين الكافيين وعالم السكريات: iced shaken vanilla.
لكن المشروب هذا يجي مع ساعة رملية، لازم تستهلكه في غضون ١٥ دقيقة ولا بيطفو بموية الثلج المذاب. إذا ودك، أطلبه بدون ثلج

كيكة أرامكو هي كيكة منتشرة في المنطقة الشرقية، واسمها كذا لأنها بدأت من المطبخ المركزي لأرامكو في الظهران، الكيكة هيّ كيكة ڤانيلا إسفنجية عاديّة لكن أهل الشرقية حبّوها وصارت جزء من احتفالاتهم العائلية. 

وشلون نذوق كيكة أرامكو بالرياض؟ 

حبيب الكل بيت الدونات يبيعها بستين ريال.. ومتوفرة فقط في فرع العليا حسب علمنا، تقدر تطلبها من مرسول يوصلها لك وين ما تبي، أو تروح بنفسك وتشوف سوق الكمبيوتر. 

استمتعتوا باللستة؟ حنّا بعد.. استمتعنا وحنّا نكتبها. بنرجع لكم كل خميس بلستة جديدة