الرياض مدينة المخابز

تاريخ النشر 2022-08-12

الخبز. العنصر الأساسي في حمية غذاء البشر ورمز ثقافي مهم للبشرية، في مصر الفرعونية اكتشفوا الخميرة، واستخدموا القمح اللي كانت اراضيهم غنية فيه، وفي الحضارة الرومانية كانوا الخبّازين هم الحرفيين الوحيدين الأحرار، أما البقية عبيد. وفي المجتمعات البدائية كانوا يشبهون انتفاخ العجينة مع الخميرة برحم المرأة الحامل، وكأن الخبز اللي يساعدنا على عيش الحياة هو الحياة أصلًا.. بس لمّا تطوّر العلم اكتشفنا ان الانتفاخ هذا هو غازات تنتجها الباكتيريا بعدما يأكلون السكريّات في العجينة. 💨



 في عشرينيات القرن العشرين تغيّر الخبز للأبد, أمريكا ومصانعها اكتشفوا طريقة يشيلون الروح من الخبز والطعم مقابل انه يقعد على رفوف السوبرماركت أطول، ويصير طري أكثر، وطبعًا لأنهم أمريكا: يصير أكثر بياضًا. جوني هاريس واحد من اليوتيوبرز المفضلين عندنا في كلماشي تكلّم عن هذا الموضوع في فيديو لطيف على يوتيوب، لا يفوتكم.



 في لستة اليوم 🥖 الرياض مدينة المخابز 🥖 بنتكلم عن مخابز الرياض، مخابز تصنع خبزها بنفسها وتحافظ على روح وأصالة الخبز.. بس قبلها، كاركتير لستة اليوم:

الرياض مدينة كبيرة، فيها أكثر من ٧ مليون نسمة. هذولي من وين يأكلون خبز؟ فيه خيارات كثيرة لهم، خبز أفغاني، خبز عراقي، خبز فرنسي، خبز شامي. في هذي اللستة بتقرا عن خيارات متميزة ويمكن غير معتادة لك. بس عادي قبلها عادي تساعدنا بنشرها؟


اضغط هنا عشان تساعدنا في واتساب

 

اضغط هنا عشان تساعدنا في تويتر

خبز حساوي

مخبز بناء المحور

هذا مب اسم تحالف عسكري في منطقة مضطربة جيوسياسيًا، هذا اسم مخبز لذيذ جدًا في حي الفيحاء شرق الرياض، مخبز بناء المحور هو مخبز عربي يقدم نوعين من الخبز: الخبز العادي والخبز الحمر الحساوي وتقدر تطلب الخبز حاف سادة أو تطلب محشي بأنواع مختلفة من الحشوات زيّ جبنة مثلثات أو جبنة كاسات أو لبنة أو زعتر. 

خبزه لذيذ جدًا، بس لأي درجة لذيذ؟ الفوّال اللي جمبه عنده مخبز تميس خاص فيه، لكن زبائن الفوّال يوقفون طابور في بناء المحور عشان يجيبون منه الخبز ويتناولنه مع فولهم، متجاهلين الخبز المجّاني اللي يوفره الفوّال. 

خبز مقدسي

مخبز باراديس

من الأردن الحبيبة جاء لنا هذا المخبز الونيس المتأسس في سنة ٩٦ ميلادي على يد أ. وليد الجيطان اللي نقل اصول وثقافة الخبز المقدسي وعمّمها على مخابزه، تلقى كل أنواع الخبز عندهم بس المميز بشكله وبتاريخه ومظهره هو الخبز المقدسي أو الكعك زي ما يسمّونه في القدس. 

تقدر تأخذ الخبز منهم جاهز، أو تطلبه محشي بأنواع مختلفة من الحشوات زيّ جبنة عكّاوي، جبنة قشقوان، أو ديك رومي. 

خبز فلبيني

مخابز العلامة الزرقاء

في السليمانية يقع هذا المخبز المفضّل عند الجالية الفلبينية في الرياض، الفلبين كانت مستعمره اسبانية فتأثرت كثير بالمخبز الإسباني في مخبوزاتهم، أشهر شيء عندهم هو خبز البان-دي-سال وهو النسخة الفلبينية الإسبانية من الخبز الفرنسي الباقيت. 

في هذا المخبز تلقى كل أنواع الخبز الفلبيني ومأكولات شهيّة وحلويات مستوردة، إذا بتروح لهم لازم تجرّب الاوبي وهو حلى بلون بنفسجي مميز يستخدمونه بأشكال مختلفة من المخبوزات.. زي الإنسمادا (الأكثر مبيعًا عندهم) والمامون والمونجو والهالو هالو. طبعًا أنت ما تعرف أيّ من هذي الأنواع ولا عمرك ذقتها، هذي فرصتك! 

قد قالت ماري انطونايت: إذا ما عندهم خبز خلّهم يأكلون كيك.. بس هل فعلًا هذا الكلام صح؟

خبز عربي وخبز يهودي

ثمار العقيلات

في الماضي ما كان التميس منتشر زيّ اليوم، المخابز المنتشرة كانت اليمنية والخبز المنتشر كان خبز عربي عادي ويسمونه أهل الرياض (خبز عايدي) لكن الخبز هذا اختفى مع اختفاء الجالية اليمنية بعد غزو العراق للكويت. 

بس أهالي الرياض اشتاقوا لهذا الخبز وبدا يرجع وبكثرة، نلقاه مثلًا في أسواق ثمار العقيلات اللي تتميّز بمخبز يبيع خبز رائع، واذا كنت ساكن في شرق الرياض ترا هو الخبز اللي ينباع في مخبز بناء المحور. 

أما عن الخبز اليهودي فهو الـ بابكا، هذي الخبزة اللي طلعت من التجمعات اليهودية في أوكرانيا وبولندا في القرن التاسع العشر اجتاحت المشهد بالرياض وتميّزت أولًا بطعمها وثانيًا بسعرها عند ثمار العقيلات.. جرب عندهم البابكا الزعتر.

أخيرًا المناقيش

مخابز القادسية

سر مب سرّي عند أهالي حيّ الربوة هي منقوشة الجبن والزعتر من مخابز القادسية، هذي المخابز اللي لها تقريبًا ٤٠ سنة وهي موجودة وما تغيّرت. ليه منقوشتهم لذيذة جدًا ولازم تجرّبها؟ سببين: السبب الأول انهم يستعملون مواد عالية الجودة ويخبزونها عند الطلب، والسبب الثاني هو اننا قرينا من مكتب مكنزي للإستشارات نصيحة وهي انه لو تبي تقنع الناس بحجتك عددها بقائمة، وهذا تطبيقنا للنصيحة. 

هكّر مرسول! لاحظتوا اننا ما حطّينا مخبز تميس باللستة؟ لأنه مخابز التميس تشبه بعض والفروق طفيفة، ما لقينا مخبز تميس متميز وبقوة في مدينة الرياض. عشان كذا اذا تبي تهكّر مرسول وتبي تميس بسرعة اطلب طلب وحدد أي موقع تبيه وقل لمرسول جب لي خبز تميس ومرسول لأنه سنايدي وقوي بيدبر نفسه وبيجيب لك التميس من أقرب محل. طيّب، عندك مخبز تميس متميز؟ علّمنا عنه وأطلبه من مرسول.. برضو مرسول بيجيه لك. 


برضو مخابز جديرة بالذكر: 

- مخابز الكعكي في السليمانية، جنّة مخابز الرياض: عندهم فطاير تشبه الفطاير اللي كانوا يأكلونها علية القوم في مدارس الرياض. 

- مخابز المدينة في السليمانية، جنّة مخابز الرياض: عندهم خبز الشريك المشهور به المدينة المنورة. 

- مخابز رغيف شهد في المصيف: عندهم خبز مصري لذيذ في شمال الرياض، أسرع لك من العيش البلدي اللي ينباع في الدانوب. 


شارك هذي اللستة

التعليقات


في حارتنا القديمة الواقعة في طرف الرياض الجنوبي قديماً كان عندنا تمّاس يدعى "خير" ضخم الجثة فارع الطول المسافة التي بين كتفيه هي طول احدنا وكان ذو شاربين ضخمين مفتولٌ من طرفيه وكان يصنع ألذ تميس في الرياض بشهادة الطوابير التي تقف على رصيفه وكان عجينه بين أن يكون هشاً وطري كأنه ضبطه بميزان ولونه المشوب بين الأحمر والذهبي من جرّاء تسلط نار التنور ولا يتغير تميسه مع الوقت ويتجعد كما هو حال التميس الآن.. ويقف على طابوره كل اهل الحي من طرفه لطرفه كأنه الجامع الكبير فتعقد عنده صفقات وتتداول اخبار ويصلح الله بين خصوم ويتخاصم آخرين لأن "خير" كان يصنع تميس حقيقي قبل أن تصدمه سيارة في شارع ستين مطل على محله وتذهب السيارة للتلف ويموت سائقها بينما "خير" يصاب بكسور ونحوه سلبت منه بعضاً من قوته فقرر ان يتقاعد بعد خدمة تصل إلى ٣٥ عاماً.

قبل عام واحد - فيصل عبدالرحمن
عطنا رأيك

تبي تقرأ لستات ثانية؟

كيف تصير فيقان وسعيد بالرياض؟

وش ثاني أفضل شاورما بالرياض؟

وين تأكل برنش في الرياض؟