فيه ناس إذا وصلوا لمراحل متقدمّة من الجوع، أحسن تتوقف عن التواصل معهم... صدقًا، مب بصالحك. 

لأن إذا تجاوبوا معك غالبًا بينقلون لك عصبيتهم. لما يوصل شخص لهالدرجة من الجوع، ما فيه غير أنك تتصرف و تدقّ على الطوارئ.. وهذا مطعم الأسبوع: ٩١١ بيتزا

‎ 

‎ 

‎ 

‎ 

تعرف بيتزا شيكاقو السميكة؟ هذا المطعم يقدّم نقيضها تمامًا بس من نفس الديرة: بيتزا شيكاقو النحيفة.

شيكاقو: مدينة أمريكية حيّة معروفة بالسندويشات اللذيذة والبيتزا.

بعد الحرب العالمية الثانية، أصحاب الحانات في شيكاقو احتاجوا وجبة خفيفة توزّع على الزباين، لكن كان عندهم كمّ شرط:

١- الوجبة تكون صغيرة بحيث يتمّ توزيعها على أكبر عدد ممكن.

٢- ممنوع زيادة المواعين! اهتموا ان الوجبة تنوكل باليدّ.

هذي الشروط كونّت لنا بيتزا شيكاقو النحيفة، وهي تخصص مطعم ٩١١ بيتزا. 

رغم أنهم افتتحوا فرعهم الأول قبل ٥ شهور، شهرتهم السريعة على السوشل ميديا -وبدون إعلانات- تدلّ على حماس الرياض على بيتزا الرقيقة.

فرع ٩١١ بيتزا الأول افتتح قبل ٥ شهور في السليمانية، ومع نجاحه السريع افتتحوا ثاني فرع للطلبات الخارجية في حي النخيل. والفرع الثالث توّه مفتتح ببريدة، المدينة التوأم لشيكاقو! 

استلهموا التجربة من مطاعم محلية في شيكاقو، المطاعم اللي نشوفها بالأفلام والمسلسلات الأمريكية صارت في حيّ السليمانية، محل تكتشفه بالصدفة ويصير محلك المفضّل، وديكورهم يشع بإضاءة النيون ويتزيّن بالصور المطبوعة للأفلام والمسلسلات الشهيرة.

حلاة المنيو إنه مختصر: يتكوّن من ٤ أنواع بيتزا بعجينة رقيقة وطبق أجنحة الدجاج. يعني إذا شديت حيلك أنت وصديقك يمديكم تجرّبون كل شي بزيارة وحدة! بعدها تقرر بيتزتك المفضّلة وترجع لها في حالات الطوارئ.

في كل قطعة من هذي البيتزا تتناغم حبات الببروني مع الهلابينو في رقصة حرّاقة لفمّك. جرّبها مع صوص العسل الحار!

تخيّل: كريمة الترافل -الفقع- مع خليط جبن الموزاريلا والبارميزان، وفوقها فطر.
بتعجبك إذا تحب النكهات الغنية!

‎ 

كانت هذي لستتنا الحادية عشر ضمن لستات "مطعم الأسبوع".

تبي تصير من المحظوظين اللي وصلتهم أول ناس؟ سجل بالنشرة البريدية من هنا

أما لو تبي تشارك هالتوصية مع قروب العائلة، شارك التوصية عبر واتساب