مطاعم الرياض تغنيك عن سفرة الصيف

تاريخ النشر 2022-07-14

ليه ما سافرت هذا الصيف؟ فيه أسباب كثيرة، يمكن دوامك ما وافق على إجازتك أو حسابك البنكي ما وافق على وناستك. لكن من حسن حظّك أنت عايش في مدينة الرياض، مدينة تطمح ان الناس يسافرون لها في سفرتهم الصيفية. جرّب تسوّي فعالية في هذي الإجازة: رتب شنطتك، احجز فندق في الرياض، ورح للمطاعم اللي في هذي اللستة. 

تنويه: هذى المحتوى صنع خصيصًا لك، وهو محتوى غير جاد الهدف منّه يونّسك.. إذا عندك أيّ ملاحظات عليه أرسله لنا على هذا الإيميل: karim@kalamashii.com

سافر للمكسيك 🇲🇽

مطعم دون روبينز في السفارات

هذا المطعم الصغير في السفارات يتميّز ببساطة وأصالة اطباقه، نورما مديرة وطبّاخة المطعم الأمريكية المكسيكية تقول اننا في السعودية قاعدين نأكل الناتشوز غلط، والناتشوز اللي تسوّيه في هذا المطعم هو الأصلي. لأن هذا المطعم هو مطعم عائلي واللي يشغلونه من عائلة وحده فأول احساس بيجيك لمّا تدخل المطعم هو انك داخل صالة بيت عائلة ثانية زيّ عائلتكم بالضبط لكن من ثقافة مختلفة تمامًا.. كأنك سافرت! 

تنويه: الحين المطعم يشتغل في يومي الأربعاء والخميس والجمعة فقط! 

سافر للندن 🇬🇧

أفضل سمك وبطاطا بالرياض غاليري

طيّب، هدّي ولا تعصّب. حنّا هنا نمزح. الروحة لرياض غاليري ما راح تغنيك عن السفرة بلندن، بس غالبًا هذا المطعم يغنيك عن أحد أشهر وجبات لندن وأكثرها مبيعًا: السمك والبطاطس! ومافيه جرائم أسلحة بيضاء هنا، يعني لسلامتك الشخصية استبدل سفرة لندن بزيارة للرياض غاليري. السمك والبطاطا هنا زيّ ما يقولون بالضبط: الأفضل بالرياض. وعندهم أنواع مختلفة من الأسماك لكن ننصحك تأخذ سمك القد وتعصر ليمونة عليها وتغطغطها بصوص التارتار. بالعافية! 


وتعويضًا لموضوع سفرة لندن، متى آخر مرّه رحت لمول وأكلت في فود كورت؟ لا تعتبرها سفرة للندن، أعتبرها سفرة عبر الزمن

سافر لتايلند 🇹🇭

مطعم ڤيلا التايلندي في العروبة

من ٢٥ سنة وهذا المطعم هو بلا شك الأبرز في المطاعم المهاجرة للرياض، مطعم تايلندي أصلي ما تأثر بمرور الوقت، وطعم الباد تاي عنده ما تغيّر. بطبّاخ تايلندي وطاقم عمل آسيوي هذا المطعم يعمل يوميًا في وقت الغداء والعشاء فقط. ورغم ان المطعم زوّاره كثير إلا ان ادارة المطعم ما تهتم بديكوره وجلساته الداخلية لأن كل اهتمامها مصبوب في شوربة التوم يم اللذيذة عندهم. 

سافر لعُمان 🇴🇲

مطعم قمة صلالة في المونسية

عُمان قد لا تبدو وجهة صيفية معتادة للسعوديين الحين، بس مع افتتاح الجسر البري بين السعودية وعمان استعدوا لها كوجهة جديد بطبيعة ساحرة.

قبل لا تمسك خط لعُمان، مر على هذا المطعم وجرّب أكلهم عشان تتأكد من طعامته، مطعم قمة صلالة موجود في حي المونسية يقدم الشوا العُماني اللي يطبخونه يوميًا من ٤ لـ ٦ ساعات. 

هكّر مرسول! تدري تقدر تستخدم مرسول بالضبط زيّ ما تستخدم أصدقائك؟ فيه خدمات سرّية في مرسول زي: اشتراك بطارية! متى ما توهقت مرسول بالطريق لك.  

شارك هذي اللستة

التعليقات


لا توجد تعليقات
عطنا رأيك

تبي تقرأ لستات ثانية؟

الرياض تحب البروست

ليالي الطايف

دليل السفرة الاقتصادية لأبها