دليل الشهر الفضيل 1
تاريخ النشر 2025-03-20
مبارك عليك الشهر!
رمضان السنة هذي في مدينة الرياض غير؛ الأجواء الروحانية تندمج بشكل مثالي مع الأجواء الباردة، والغيوم تتشكل بنفس شكل محاولاتك الفاشلة في تحضير اللقيمات، والعطش أخف إذا طاحت موية المطر بالغلط في فمّك.
وش تتوقع من هذا الدليل؟
وش تجيب معك فطور رمضان، وين تفطر برا، ووش تشوف مسلسلات.
من الآخر، اعتبر هذا الدليل مرجع لك في رمضان سنة ٢٠٢٥!
الموالح
شهر رمضان هو أفضل وقت لدعم الأسر المنتجة؛ تطلب أكل من أم محمد وتاخذ لك معها دعوة هدية.
تلقى أدناه بعض توصياتنا.
- مفرزنات الدانة لقينا عليه إقبال كبير في مواقع التواصل الاجتماعي و أصابنا الفضول، يسوون بيتزا صغيرة تشهّي!
- ملاذ العنب أسرة منتجة أتقنت ورق العنب ولا تبيع غيره، فوثقنا فيه تلقائيًا.
- مطبخ بيتي عندهم أصناف متنوعة تعبّي السفرة زي المحاشي المشكلة ومكرونة البشاميل.
- لتس ايت من مطابخ البيت اللي تقدّم شي مختلف يسوون سمبوسة صغيرة في سطل كنتاكي وصحن مليء بالتاكو الصغير.
- أم سعود تطبخ أكل حجازي لذيذ وتسوي مفرزنات بعد. ما عندها حسابات في مواقع التواصل الاجتماعي تواصلوا معها على الواتساب: ٠٥٠٩٧٧٧٦٥١ وباركوا لها بالشهر الكريم واشكروها على الأكل اللزيز، وقولوا لها إنكم جايين من طرف كلماشي.
الحلويات
- سويت هاوس يسوون حلويات متنوعة زي السخانات والشوكولاطة بحشوات مختلفة. نوصّيك بألواح الفستق والبيكان.
- أم لمى تسوّي لقيمات بالشعيرية والجبن والواضح إنه بيصير نجم كل جَمعة.
- فتيت نوال متواجد في متجر (الغذاء والكيف) وعلى شهادة طهاة نثق في ذوقهم.
- قمرا حلى لذيذ تكشخ فيه بالعزايم. وداخل بشكل قوي بالسوق بما أنه فتح ٣٢ فرع مرة واحدة يبيع منتج واحد فقط اللي هو عبارة عن أصابع جبنية غير تقليدية تقدم بشكلين مختلفين: هلال أو سخّان.
- نجناج عندهم كمّ حلى يشهي ، بس لأن الجمعات الرمضانية لا تخلو الحلويات العربية -وبالتحديد أي نوع فيه شيره- نوصيك بالبسبوسة.
الأكل في المطاعم ينسى في شهر رمضان، لأن ليه تاكل من برا إذا أشهى الأطباق تنزل لك كل يوم في البيت؟
بس فيه تجارب متواجدة حصريًا في رمضان، وميزتها، غير إنها لذيذة، تريّح مطبخ بيتكم شوي.
إكسير البن X سميرة جان
ليالي الدرعيّة
ليالي الدرعية من الأماكن اللي تخطف الأنظار دايم، فما بالك في ليالي رمضان…
إذا الميزانية تسمح، رح تسحّر في أحد المطاعم، أو يمديك تحلّي على قدّ الميزانية.
تبدأ التذاكر من ١٨٠ ريال | الدرعية
دولمة أمي
تبي تدعم مشروع يساهم فيه جميع أفراد العائلة؟ إذا كنت ناوي طلعة فطور مع ١٠ أشخاص أو أكثر وتبي تجربة بعيدة عن الزحام وخاصة لمجموعتك، دولمة أمي خيار بيعجبك.
خيمة ليالينا | رتز كارلتون
هذي تجربة استثنائية لأن سعرها يعوّر ..بس إذا كنت أكّيل ومستعد تدفع، حلل كل قطرة واستمتع.
صح ان هذي فقرة (وين تفطر)، بس لهذي التوصية بنسوّي استثناء لأن سحورهم أرخص ..وإذا كنت من محبّين الأستاذة الفاضلة أبلة فاهيتا بتجي على السحور يوم الجمعة، ٧ مارس.
الفطور يبدأ من ٦٩٠ ريال للشخص | الريتز كارلتون
إفطار كويارد
في فرع السليمانية فقط. كل يوم ثلاثاء، قهوة كويارد عندهم افطار مختلف، تجيب معك أكل وتفطر مع ناس زيك جايبين اكل. والدخول طبعاً مجاني. ورمضان يجمعنا...
خيارات المسلسلات واجد، بس وش البرامج اللي منوّرة شاشاتنا هذي السنة؟
- شارع الأعشى
قصة أخوات في السبعينات يبحثون عن حريتهم في وسط مجتمع محافظ مستوحى من رواية الكاتبة بدرية البشر "غراميات شارع الأعشى". بطولة إلهام علي وخالد صقر وكوكبة من النجوم المحليين.
- شباب البومب (الموسم ١٣)
للمرة الـ١٣ يرجع المسلسل المحبوب من بطولة فيصل العيسى، بين الساعة ٦:٣٠ م و ٧:٠٠ م عندك راحة من إزعاج أطفال بيتكم.
ومن كبر شعبيته ينعاد عرضه على قناة روتانا خليجية بعدها بساعة ونص!
- إخواتي
قصة أربع أخوات يعانون من رهاب اجتماعي في التعامل من الجنس الآخر. بطولة نيللي كريم وروبي.
- نص الشعب اسمه محمد
- يوميات رجل عانس
- معاوية
- بطولة حروف مع عزيز
شارك هذي اللستة
النشرة البريدية
إذا ودك توصلك اللستة على الإيميل
عب معلوماتك هنا!
تبي تقرأ لستات ثانية؟
بحريات الرياض
مطعم تيك مي هوم
رحلة تاريخية، في الأراضي الحساوية
التعليقات
لا توجد تعليقات