المقاهي في مدينة الرياض كثيرة ومتنوعة باستخداماتها مثل الأنس والمرح والعمل.  

سكان مدينة الرياض مشغولين بالخصوص، ودايمًا يبحثون عن مقهى يحولونه لمكتب مصغّر.

وش تحتاج عشان تحوّل مقهى لمكتب مصغّر: مصدر كهرب مستمر، هدوء نسبي في المكان، مقاهي واسعة تضمن فيها مكانك، ومقعد وطاولة مريحة حتى بعد مضيّ ساعات. 

هذي قائمة مقاهي نشوف انها مناسبة انك ترسل فيها إيميل طويل، أو تقفّل عرض تقديمي من خلال كانڤا، أو تدخل في قوقل ميت مع عميلك. 

مواقع هذي المقاهي قد تكون منوّعة، ومقهى صديق العمل فعلًا هو المقهى القريب منّك أو من مكان عملك، وأخذنا هذا بالحسبان واخترنا مقاهي متنوعة مجاورة لمباني المكاتب الإدارية، رحنا جرّبنها بنفسنا وأعجبتنا.

بس لو سمحت: علّمنا عن مقهاك المفضل للعمل!

مساحة المقهى الكبيرة تطمنك انك بتلقى مقعد مريح بمكان هادي، لأن كل زاوية بالمقهى هيّ مقعد مريح بمكان هادئ.

لمقهى أندرينا قسمين مختلفين تحسهم غرف منفصلة، لكنها كلها مفتوحة على بعض، القرميد والصفايح الخشبية تساعدك تركّز على اللي في لابتوبك، واللي بيخليك تركّز أكثر: كل اللي حولك يشتغلون

‎ 

مع منيو متنوع فيه سلطات ومشروب خالي من الكافيين مميّز يناسب شمس الرياض، البينا كولادا.

مقهى أشجار بفرعي الربيع والقيروان مكان جميل يجمع بين القهوة والنبات، اضف عليهم العمل كذلك لأن فروعهم تحتوي على مساحات عمل يمكن استخدامها بعد شراء الوصول لها في التطبيق، هذي المساحات مجهزة أصلًا للعمل، وغير غرف الإجتماعات في كل فرع أكثر من ٥٠ كرسي قابل للشراء وسعر الست ساعات هيّ  ٣٤ ريال.

‎ 

كونك تشتغل والأشجار من حولك هذا يحسّن التركيز ويخفف التوتّر، ولو تبي تزيد التوتر أطلب شوت إسبريسو بعد كل مَهمة تخلّصها. داخل تطبيقهم لطيف وفيه خيارات عدّة.

‎ 

ما يحتاج نقنعك بهذا المقهى، ريحة مخبزهم تكفّي.. مقهى غمار السنة القادمة بيكمّل خمس سنوات في فترة أثبت فيها هذا المقهى انه أحد أفضل خيارات العمل في حي الصحافة.

المكان فيه طابع مريح وهادئ، فيه خيارات مختلفة للمأكولات الخفيفة، وطاولة كبيرة تقدر تصير طاولة عمل تشاركية.

يبخّرون هذا المقهى بشكل دوري، وتتوفر فيه مقابس الكهرباء بوفرة، وسجاد للصلاة.

واجهة المقهى الشمالي تسمح للقدر المثالي من الشمس تدخل هذا المقهى اللطيف في مجمع نجود في حيّ المؤتمرات.

وجوده في مول الرياض الفاخر يخلي المواقف نسبيًا سهلة، وخيارات جلساته متنوعة كفيه على البار وفيه بطاولات منفصلة وفيه طاولة على الجدار للمزيد من التركيز.

‎ 

مافيه مكابس كهرباء كثير، اذا طلبنا منهم يفصلون لمبة هل بيوافقون؟

نتوقع ذلك، طاقم المقهى لطيف وهذا المكان مثالي وجبة غداء سريعة تأخد منها بريك من عملك وتذوق شيئين: الكلوب ساندويتش اللي أعجب وهاب جدًا وقال عنه: "طعمه يشبه ماك" أو الفرينش توست اللي قالت عنه بسمة: "ألذ فرنش توست أكلته من فترة طويلة".

المقهى يزدحم بسهولة، والفرصة المثالية للذهاب له هو الصباح.

هذا المقهى يختار يقدّم تجربة مستلهمه من المقاهي الروسية، وهذا يخليه خيار مناسب للي يبون يخففون من القهوة.. يجربون فيها خيارات الشاي الروسي في هذا المقهى الجميل.

يحتوى على عدة أماكن مناسبة للعمل، وداخل المقهى فيه زاوية عمل إبداعية قابلة للحجز بالساعة، ومكتبة صغيرة فيها تشكيلة منوعة من الكتب وكتب الأطفال، ومقابس الكهرب موزعة بشكل جيّد. 

الديكور الروسي الداخلي و آواني المقهي الروسية عناصر تجمّل أي إجتماع أونلاين تدخل له.

فرفر فريقنا الذوّيق الرياض حتّى يجرّب لستة المقاهي المبدئيّة اللي كتبناها.
أخذوا نص يوم إجازة من المكتب، وغيّروا موعد قهوتهم الصباحيّة للظهريّة، حتّى يقيّمون المقاهي هذه بوقت الزحمة؛ وقت الشغل.

معلومة قد تهمّك: فريقنا يعشق منتجات الكافيين؛ قهوة، شاي، سلسيوز، إلى آخره..

تبي تزور لستة المقاهي اللي اخترناها؟ شيّك هذه اللستة على جوجل مابز!

شكرًا لكم، كانت هذه المقالة أحد أعداد لستة من كلماشي.

عجبتك اللستة؟ شاركها في قروب العائلة!