وش يميّز شارك عن الباقين؟.. النوع هذا من المقاهي يٌسمّى "مقهى أعمال"، وهو شراكة بين شارك هب (شركة مكاتب عمل مشتركة)، ومحمصة ومقهى قاف.. هذا اللي طلّع لنا مكان يتميّز بالإثنين: قهوة كويسة، ومجتمع ثقافي رهيب.

الشيء المميز، إن في فرعهم بالرياض عندهم مّدرجات للجلسات الثقافية تشبه مدرجات قاعات الجامعة "حرفيًا"، وفرع الشرقية يسوون بين فترة وفترة فعاليات لتبادل الكتب.. ولأن عندهم فرعين بنعطيكم الجلسات الثقافية في المدينتين:

الخبر: يوم ٢٠ فبراير الساعة ٦ المساء راح تكون فيه مناقشة عن كتاب التداوي بالفلسفة، اللي بتعرف فيه السر في عيش حياة بسيطة، وطريقة توظيف الفلسفة في طريقة فهمك للحياة.

الرياض: يوم ٢٤ فبراير الساعة ٨ المساء، بيكون فيه نقاشات عن القراءة والكتب واهتمام ملوك المملكة في نشأة المكتبات، جلسة ثقافية مناسبة لما بعد يوم التأسيس.

هذا الكافيه فاز بالمركز الأول في جائزة الشريك الأدبي مرتين على التوالي، وفازوا في هذي اللستة من كلماشي كأفضل كافيه، لأن ما باقي شيء ما سووه عشان يثرون الجانب الثقافي في تبوك. مهتمين بأدق التفاصيل بالمقهى، وزي ما يقولون "القراءة هي اللبنة التي تبنى بها الحضارات"، فخلّوا حتى الجدران الإسمنتية الصمّاء فيها روح من الأدب والثقافة.

هذا الشهر اخترنا منهم أميز ثلاثة جلسات لشهر فبراير مختلفة في عناوينها، متشابهه في إثراءها:

بيعلمك الدكتور نايف الجهني كيف تتواصل مع حدسك بتاريخ ٢٥ فبراير

والدكتورة حزمة الحرشان بتناقش موضوع الأدب العربي والعالمي وتقاطعهم مع بعضهم في يوم ٢٦ فبراير.

والكاتب ياسر المحمدي بيتكلم عن فن الإخراج في ٢٨ فبراير.

ولا تنسى وأنت بالطريق لهم إنك تسمع بودكاست الكافيه "بودكاست نمو" من هنا.

مقهى مهتم بالموسيقى وخاصة الجاز، وحسب تعريفهم لنفسهم: يقولون إنهم انعكاس لحقبة ١٩٣٠ في تقديمهم لتجربة القهوة والموسيقى. ولأن القهوة والموسيقى فن، الأدب بعد فن.. نوق يعتبر لاونج، وبكذا يصير أثقف لاونج في السعودية، لدرجة قريب سووا شراكة ثقافية مع القنصلية الأمريكية والقنصلية الفرنسية يقدمون فيها الجلسات بلغات مختلفة يقابلون فيها كتاب وأدباء كل دولة، تقدر تعرف فعالياتهم الأسبوعية أول بأول من حسابهم هنا.

لما تروح لهم في أبها أنت ما تنزل للجنوب، أنت ترتقي بزيارتك لهم.

نواة من الكافيهات المميزة في جنوب المملكة، عندهم فرعين واحد في أبها والثاني في خميس مشيط.

من الكافيهات الوسيعة والشرحة، بتلاحظ في الدور الأرضي منصة صغيرة، هذا هو المكان المخصص للفعاليات والجلسات الثقافية الدورية اللي يسوونها، وفي تاريخ ٢٨ فبراير جهز حنجرتك لأن تنتظرك جلسة حوارية عن فن التعليق الصوتي في فرعهم في أبها.