هلا والله صديقنا!

حقيقة مب صدقية: سنة ٢٠٢٥ هي ٢٠٢٢ الصدقية!

أنت من مواليد سنة ٢٠٠٠؟ هذي السنة بتكمّل ٢٣ سنة، فكل عام وأنت بخير! أعمارنا كانت بفترة استراحة في كورونا… مثل كثير أشياء ثانية ارتاحت فترة كورونا، بس مطابخنا ما كانت منها؛ أغلبنا كان منشغل في تطبيق وصفات الهبّة في أجدّ منصة تواصل علينا وقتها: تيك توك.

تذكرون كيكة الليمون؟ بس ترى مب الكل كانت ريحة مطابخهم ليمون؛ بعض المطابخ كانت ريحتها جوز هند وكركم، كأنك في جزيرة استوائية، نفس ريحة مطعم هالأسبوع.

‎ 

‎ 

‎ 

أصحاب فكرة المطعم هم الشيخات شوق وداليا؛ رفيجات من الكويت يعشقون السفر لتايلند، وبالذات يحبون يجربون الأكل التايلندي بجميع أنواعه.

لفوا تقريباً كل مدنها، ورغم صولاتهنّ وجولاتهنّ، ما كانت عندهم نيّة إنهم يفتحون مطعم! بس لمّا الحجر الصحي منعهم عن سفرتهم الدورية المفضلة، اشتاقوا للأكل التايلندي وجرّبوا يطبخون أكلاتهم المفضلة في البيت.

أتقنوا الوصفات المحليّة لدرجة أنهم قرروا يطورون من هذي الوصفات بمساعدة شيف تايلندي، وبدوا مشروع مطعم سحابي بالكويت سموه "پيت پيت" بمعنى: حار جدًّا. أثبت مطعم "پيت پيت" نفسه في فترة قصيرة، وخلال سنوات استثمروا في افتتاح مطعم بروح تايلندية مرحة مثل أهل ديرتها. وقبل فترة قصيرة، توسعوا للرياض!

‎ 

المطعم صغير، بس روحه تتسّع للكثير، يوم تدخل تحس إنك داخل مطعم شوارعي مرتب ونظيف. الخدمة رائعة جداً وكل النادلين عندهم جميع المعلومات عن الأكل، وجاهزين لأصعب الأسئلة عن الطهي التايلندي. 

من مميزات الأكل التايلندي أنه خفيف؛ يمزج بين المالح و الحلو، والأهم أنه عطري بسبب مكونات عشب الليمون واستخدامهم لحليب جوز الهند في الأطباق المالحة. وعلى الرغم من أن أغلب اللي يشتغلون فيه مب من أصول تايلندية، إلا أنهم تقمصوا الثقافة التايلندية من كثر معرفتهم بالأطباق وأساليب الخدمة عندهم. أخيرًا،عشان تكمل التجربة التايلاندية، تعلموا الطاقم كمّ كلمة محليّة يرحبون بك فيها.

‎ 

معلومات عن قائمة الطعام:

• كل أطباقهم -بالذات المرق- لها أربعة خيارات: بالدجاج، اللحم، الروبيان، أو الخضار.
• كل الأكلات لها خمسة درجات حرارة (وتراهم ما يمزحون بالحرارة، اطلب بحذر) 
• في كل طاولة تلقى أربعة صلصات جانبية مكملة لوجبتك: فلفل مجروش، ومربى الفلفل، وخل الفلفل، وصلصة الصويا الخفيفة. 

إذا أنت خايف تجرب الأكل التايلندي، نقولك تطمن وخذ من بعض مفضلاتنا، متأكدين أنها بتعجبك!

هو نوع من المنتو يسبح فوق زيت الفلفل والثوم، وتقدر تختار معه ما بين حشوة الروبيان أو الدجاج.

من أقوى طلبات المنتو اللي ممكن تذوقها، و إذا تعزّ اللي طالع معهم، ننصح كل واحد يطلب صحنه الخاص.

كاري على الطريقة التايلاندية الشمالية اللذيذة مع نودلز، ومغطى بالنودلز المقلية المقرمشة، والبصل، والخردل المخلل، ويمديكم تطلبونه مع لحم البقر، الدجاج، اليقطين أو البطاطس.

لا خلّصتوا، عطوا الشيف تحية تايلندية خاصة!

لما تشوف شكل هذا الطبق، بتستغرب كيف هذا الشي البسيط لذيذ لهالدرجة!

عبارة عن لحم مفروم مطبوخ لين تقرمش، ثم يُخلط معه بهارات تايلندية، وفلفل حار، وريحان تايلندي، وصلصة المحار. طبق حار، ودسم، ومالح، وحلو، وثقيل بس خفيف بنفس الوقت.

نصيحة: اطلبوه مع إضافة رز وفوقه بيض مقلي.

كانت هذي لستتنا الخامسة والعشرين ضمن لستات "مطعم الأسبوع" في مدينة الرياض.

تبي تصير من المحظوظين اللي وصلتهم أول ناس؟ سجل بالنشرة البريدية من هنا

أما لو تبي تشارك هالتوصية مع قروب العائلة، شارك التوصية عبر واتساب