السوشي، الواقيو، الماتشا، التويوتا، هذي كلها اختراعات يابانية مية بالمية صارت جزء ما يتجزأ من ثقافتنا الشعبية.

ثقافتهم مؤثرة واستهلاكنا لها كبير. وتلقاها بأماكن متوقعة مثل التلفزيون والألعاب وغير متوقعة مثل معارض النسيم، هناك كلمة "يابانية"  تعني فخر سيارات الدفع الرباعي: الهايلوكس. 

 السعودية تشكل جزء مهم في الاقتصاد الياباني وهي المصدّر الأول للنفط الخام ومشتقاته ونزوّدهم بأكثر من ثلث إجمالي وارداتهم منه، تعتبر السعودية من ضمن أهم ١٠ شركاء تجاريين لليابان.

في عهد الملك سلمان -حفظه الله- تطورت علاقتنا مع اليابان بشكل لافت وأُطلقت فيه الرؤية السعودية اليابانية 2030، هذي الرؤية تشمل عدة اتفاقيات ومذكرات تعاون في قطاعات مختلفة مثل: البنيّة التحتية، الصناعات المنافسة، الطاقة، والاستثمار وغيرها.

لكنك ما تحتاج تشوف الاتفاقيات هذي عشان تصدّق التكامل الثنائي بين السعودية واليابان، تقدر تشوف أبو كوجي سفير اليابان في السعودية يوثّق يومياته في حسابه بتويتر.

فوميو إيواي مولود في 17 يوليو 1960 عنده بلا شك أمتع حسابات الدبلوماسيين اللي قد مروا على السعودية، مثل إنه علّمنا عن أول حلاقة له في الرياض،  ومرّات بتشوفه يشارك فيديو له وهو ياكل مفطح في أحد المناسبات، أو تشوفه لابس بشت في العيد ويهنئ السعوديين.

فيه مطاعم عديدة تقدم مأكولات المطبخ الياباني المتنوعة، لكن اخترنا المطاعم فقط اللي شفنا إنها تحتفل بثقافتها اليابانية في مدينة الرياض، واخترنا ثلاثة مطاعم يحتفلون بثقافات متنوعة، هذي توصياتنا لكم: 

اليابانيين معروفين إنهم شعب مهذب، ولهم آداب خاصة في الحديث ومثل ما حنّا نتكلم بطريقة مختلفة مع الأشخاص بحسب العمر، المكانة، طبيعة العلاقة. هم عندهم هذا الشيء بعد لكن بوضوح أكثر، على الأغلب، اللغة المستخدمة في الأنمي تكون لغة يستخدمها الشخص في التخاطب مع صديق الطفولة وأحيانًا فيه مصطلحات ما تستخدم إلا في الأنمي بس؛ لأنها مختصرة وبالنسبة لليابانيين غير لائقة، مثل التالي:

اليابان تتميز بثقافة عمل خاصة فيها، "الإدارة اليابانية" هي أحد التخصصات الجامعية الموجودة في اليابان من خلال هذا التخصص تتعلم أساليب ومفاهيم الإدارة عندهم، ثقافة العمل في اليابان لها سلبياتها ومشاكلها لكن أيضًا لها كثير من الجوانب والمفاهيم اللي نقدر نستفيد منها، اخترنا لكم ٣ من هذي المفاهيم:

يقول هذا المبدأ: عشان تفهم الموقف زين لازم تكون في مكان الشغل أو المشكلة اللي تحاول حلها، يعني باختصار خلك شخص مستعد يشمر كمومه وينزل الموقع بنفسه. تويوتا تطبق هذا المبدأ وعندهم قناعة إنك مهما كنت مدير كبير موب فايدك إنك تاخذ تقارير وأنت جالس على مكتبك بدال ما تروح المصنع أو مكان الشغل وتتفحص بنفسك.

من أشهر الفلسفات اليابانية اللي غالبًا بتدرسها إذا سجّلت في دورة عن الجودة أو الإدارة، الكايزن هي فلسفة التطوير المستمر ويشارك فيها جميع الموظفين من مدير الشركة إلى عامل المصنع، ودورة الكايزن المستمرة تكون بهذا الشكل:

1- دعوة كل الموظفين للمشاركة 2- كتابة قائمة بالمشاكل 3- ابتكار حلول

4- تجربة الحلول 5- تحليل النتائج 6- اعتماد الحل 7- تكرار العملية من جديد

بالتعاون مع نينجا أطلقنا أول منتج لنا: صندوق مفرحات اليابان. هذا المنتج عبارة عن صندوق داخله مفرحات تنقل لكم تجربة البقالات اليابانية، ليش البقالات اليابانية؟ لأنها معروفة بمنتجاتها المميزة والغريبة بس رهيبة ودائمًا تصير نقطة حديث لأي أحد يزور اليابان.

اخترنا لكم أفضل المنتجات اللي أعجبتنا من البقالات اليابانية وحطيناها في هذا الصندوق، زي كتكات بالفراولة، وبرتزلز مغمسة بالشوكولاته، وحلاو حامض بنكهة الكولا. 

انسخ الرابط عشان تطلب المنتج ananinja://products?id=19291594

الصناعات اليابانية معروفة بالجودة، السمعة هذي لصقت فيها لدرجة انك إذا رحت لأقرب سباك وسألت عن أي قطعة يرد عليك (تبغى ياباني وإلا تقليد؟) لأن الياباني صارت مرادف لكلمة أصلي.

والرياض فيها أماكن تبيع منتجات مستوردة من اليابان تحديدًا لهذا السبب، بعضها محلّات أغذية عشان تجرب منتجاتهم المميزة وبعضها محلّات تبيع منتجات متنوعة تعيش معك لفترة أطول. هاجيميماشو:

تبي تعيش تجربة اليابان صدق؟ اطبخ طبخهم، اليوتيوب مليان مقاطع طبخ أطباق يابانية والأكل الياباني متنوع مرة وفيه أشياء تناسب كل ذوق، والمكونات؟ بتلقاها في هذي البقالة الرهيبة.

هذي البقالة موجودة في المنطقة الشرق آسيوية من حي السليمانية.

تعرف البلاستيكة في طرف حبل جزمتك؟ هذا النوع من الأشياء اللي ما تدري انك تحتاجها: بس تحتاجها. 

تلقا هذا النوع من المنتجات متوفّر في كثرة بدايسو، اللي يعاملونه اليابانيين بصفته أبو ريالين حقهم، لكنها مية ين، المية ين تساوي تقريبًا 2.7 ريال. 

عدد فروعه في الرياض تتزايد حاليًا، أكبر فرع لهم في حيّ الحمراء اللي فتح مؤخرًا،  وعنده فرع في مول غرناطة.