انتهى موسم الرياض، قفّل موسم الدرعية، وودعتنا الغيوم الموسمية… هذا يأكّد لنا أن الحر فعليًا وصل لمدينة الرياض.

جاء الوقت للرجوع للفعاليات المكيّفة وموسم خراب بطارية السيارات. متى آخر مرة شفت فيلم بالسينما؟ ومتى آخر مرة جمعت أصدقائك على وجبة عشاء؟ وين تروح؟ عندنا لك توصية.

‎ 

‎ 

‎ 

‎ 

جزّار يقدّم مشاوي لحم على الطريقة الشرقية والغربية. افتتح بجدة قبل سنتين في حي المحمدية..ولما فتحوا فرع الرياض من كثر حرصهم على نقل التجربة بأكملها افتتحوا في أي حيّ؟ المحمدية طبعًا.

ما ندري إذا هي صدفة حسنة أو مخطط لها، بس نقدّر جهودهم...

‎ 

نحب المطاعم اللي واثقة من نفسها؛ تحب اللحم؟ أهلًا وسهلا فيك! ما تاكل لحم؟ آسفين لك، لأن شعارهم "جنة النباتيين منازلهم".

بس يمديك تاكل بطاطس، أو سلطة… وإذا مرة مرة جوعان اطلب رز.

من الأشياء المُبهرة أنهم حاطين آية من سورة البقرة ردًّا على أي نباتي يمرّ من المحل ولو بالغلط، ومن كبر الجداريّة تقدر تشوفها على بُعد ٥ كيلو.

اسمه مو بس على نوع الأكل اللي يقدّمه؛ يمثّل لك واقع الزحام اللي يصير في المحل من لحظة ما يفتح أبوابه..مجزرة بشر جوعانين صافّين يطلبون ومتحمسين على اللحمة، بس أنها مجزرة تستاهل الزيارة. الأهم أن لحظة ما تقعد على كرسيّك تقدر تاكل بأمان لأن الأكل يجيك لين عندك و بيتوصون بخدمتك.

‎ 

هذي مب أوصال طبيعية، هذي قطع لحم نحيفة جدًّا وبينها شرايح الشحم لطبخة مثالية.

هذا الطبق رائع بدون شي، بس وش يخليه أروع؟ أنك تجهّز لك لقمة مثالية: خبز، حبة شقفة، شحم، طحينة، بصل مشوي، قطعة الفطر، سلطة، فلفل أخضر -إذا فيك جرأة- وعصرة ليمون. كرر هذه الخطوات حتى الشبع. يُقدّم مع طبق جانبي من إيدام البطاطس.

وش دليل جودة لحمهم العالية؟ كميّة الصلصة الموزونة؛ الشاورما عندهم مب مغرّقة بالطحينة والصلصة الخاصة، ولا يلين الصامولي المقرمش بعد دقائق من تقديمه. إذا منتب راعي صامولي بسبب كرهك للحشوة ترى يشيلونه، يعني متوصين في كميّة الحشوة. يُقدّم مع البطاطس المقلية.

بالعادة القاتو هو مسمى