شتاء سنة ٢٠٢٤ في مدينة الرياض مختلف؛ أسبوع حرّ، وأسبوع برد.. والزعاق يقول أننا داخلين على موسم يسمّى بـ "جويريد"؛ أي تجرّد الأوراق من غصونها. فدام الشتاء أسبوع برد وأسبوع حر، ليه ما يصير الصيف كذلك؟

مطعم هذا الأسبوع بيرجع لك ذكريات جميلة جدًّا، شاورما الرياض الكلاسيكية الدافئة، في أجواء الرياض الشتوية الباردة.

‎ 

‎ 

‎ 

‎ 

في أقل من سنة صار فيه إعادة بعث للشاورما في الرياض، تصدّر هذا المطعم قائمة الشاورما بالرياض، وبدأ بمنافسة جديّة مع أقدم المحلات عندنا على طلبات الشاورما، البروست، والكوكتيل.

هذا المطعم عندهم فرعين بالرياض، بحي المصيف والملقا. وقريبًا في حي الروضة.
ذا بالرياض بس، عندهم بعد فرع بالخرج، وفي الأشهر الجاية بيفتحون واحد بجدة!

هذا المطعم يشبه ماما نورة بشكل غريب؛ نفس المنيو، نفس الوصفة، ونفس الكوكتيل، يقول المثل:
"إذا كانت تمشي كالبطة، وتكاكي كالبطة، إذا هيّ بطّة."

‎ 

‎ 

‎ 

‎ 

معلّمهم التركي إينان، له ٢٣ سنة في السعودية وجدًّا فخور بخلطة الدجاج والثومية اللي تتحضر عندهم؛ كونهم استمراريّة لخلطة مطعم ماما نورة المبتكرة.
نبّهنا "إينان" إن السرّ بالشاورما الزينة ما ينتهي بالخلطة؛ السرّ في المعلّمين ومهاراتهم بالشوي، والتقطيع، والكمية الموزونة في كل ساندويش.

معلومة:
عندهم قانون إنه إذا جاهم أي طفل للمحل فلازم يعطونه عصير أو بطاطس هديّة… فعلًا نجوم!

‎ 

نتوقع واضحة، ولا؟
شاورما بدون تعقيدات، وثوميّة بتعجبك. اطلب لك حبتين أو ثلاث بالشطّة… وإذا تبي تغيّر، اطلبها مع التبّولة.

يسمونها وجبة النجوم لسبب..
دجاج مقلي وبطاطس، محطوطة بصندوق كرتون مميّز بنجمته الحمراء. يعطونك معها خبز مفرود، وثوميّة، وحمص، وكاتشب ومخللات.

بوجهة نظرنا، فالوجبة ما تكتمل بدون عصير كوكتيل بارد، وفي روايةٍ أخرى: قوقطيل.

‎ 

كانت هذي لستتنا الثالثة عشر ضمن لستات "مطعم الأسبوع" في مدينة الرياض.

تبي تصير من المحظوظين اللي وصلتهم أول ناس؟ سجل بالنشرة البريدية من هنا

أما لو تبي تشارك هالتوصية مع قروب العائلة، شارك التوصية عبر واتساب