الصبّة هيّ ساندويتش فلافل مليان يعبّي بطن الطفران، ومن هذا المحل في خنشليلة نضمن لك تتفاجئ من جودته. 

هل هو أغلاهم؟ طبعًا لا. هو أحلاهم.

هذا الترك من ضمن التركات اللي تنعد على الأصابع اللي تعرف البليلة كيف بلبلوها وبالخل خلخلوها. 

زيارة وحدة لأرصفة حيّ الندى بتخليك تعرف سبب الزحمة الغريبة في شارع أبو بكر.

بليلة العم حسين رفيق ممتاز لأجواء الرياض الشتوية بـ ١٠ ريال

مطاعم الشراع هيّ كافتيريا نهاية الشهر، عندهم ما لذ وطاب من الساندويتشات بأقل من عشرة ريال. 

في المساء جرّب الشاورما، وفي الصبح اشبع من الكبدة اللي نقترحها في لستة ١٠ بأقل من ١٠.

كل المطاعم في نهاية اليوم يكون عندهم فائض من الأكل اللي ما يقدرون يبيعونه بكره ويضطرون إنهم يرمونه، تطبيق بركة جاء وقال ما ينرمي الأكل وأنا موجود، و وفر لهم منصة يعرضون فيها منتجاتهم بسعر رمزي جدًا، ويسمح لك أنت كمستخدم إنك تشتريها بسعر رخيص وتحتسب الأجر في إنك قاعد تساعد في حفظ النعمة. 

بـ١٠ ريال من هذا التطبيق تقدر تاخذ لك وجبة مصرية شهيّة من كشري شبرا.

فطائر البيض من فنديم الوحدة بثلاثة ريال، مناسبة لأي يوم من الشهر. 

جرّب الكرك عندهم بعد! 

المثلوثة أكلة مشبعة، لذيذة، واقتصادية. ميزتها إنك تاكل ثلاث أطباق بطبق واحد. 

 جرّب واحد من ألذ صحن المثلوثة في الرياض من مطاعم ومطابخ الربوة بـ ١٠ ريال. 

في كل سفرة مشاوي: طبق الحمّص هو نجم السفرة، عشان كذا رح للخلاصة وتعش بس حمص: 

بتتعرّف على هذا المطبق وأنت طفران، بس بترجع له إذا نزل الراتب من كثر ما هو لذيذ.

صحنين مطبق من نعمة تكلفك ١٠ ريال بس، وكمية وافرة من الليمون. 

إذا ما نفع معك ولا شي في اللستة مالك إلا تقلي لك شي في البيت تاكله… أو تروح تسالي حسّون وتاكل المقالي من يد واحد وظيفته في الحياة هي القلي ويفهم فيها أكثر منك. 

اطلب من عندهم ٢ برجر دجاج تقدر تسويها بنفسك في البيت بس ميب طالعة نفس الطعم.