الرياض مدينة حارة بلا شك، إذا كان البرد فيها يدخل للعظم، فالحر يطلع من العظم بعد، وكذا الرياض تعاملك: علاقة عظمية بحت. وش أعظم شيء ممكن تسويه بالصيف؟ سرسحة. 

بما أن الصيف مطوّل والجو يطلب مشروب بارد يدل مكان المخ قبل المعدة، جمعنا في هذي اللستة أفضل ٣ مشروبات صيفية لمحاربة شمس الرياض، زي عصير جي قد سمعت عنه؟

عصير جي مشروب اشتهر في المنطقة الغربية وهو عبارة عن تشكيلة من الفواكه المجمدة يكون من ضمنها مانجو وجوافة وموز أو فواكه أخرى مخلوطة مع حليب مكثّف، وعند التقديم يحطون مع العصير فيمتو، وغالبًا يقدم في كيس بدال كوب زي الخيار الأول في هذي اللستة. 

عرايسي الفؤاد هو محل العصاير المفضل لكل أهالي حي خنشليلة، وإذا طلبت عصير جي بالكيس منهم بتتحول مشكلة الحر لمشكلة ثانية أحلى بكثير: يدك جمّدت وبتقعد تدوّر مكان تحط فيه عصيرك شوي عشان يدك ترتاح. بتنصدم إذا عرفت إن الكيسة الكبيرة هذي كلها بـ ٧ ريال بس، أرخص من مكيف وفاتورة كهرب. 

إذا مريت من شاي كايف بتعتقد إنه مقهى يبيع القهوة بـ ٥ ريال زي برسك، تصميم المحل وطريقته نفس المقاهي الجدارية اللي انتشرت الفترة الأخيرة، حتى إنهم يبيعون محصولهم الخاص من الشاهي بعد نفس المقاهي، بس إذا بغيت مشروب صيفي منعش لا يفوتك الآيس تي حقهم اللي بنكهة البراد. 

سيكا هو مقهى ما كفاه إنه يتفوق في مشروبات القهوة المعتادة فقرر إنه يبتكر مشروبات جديدة يتفوق فيها، بتلقى مشروباتهم الخاصة في منيو المشروبات الباردة وبتوضح لك من أساميها المميزة زي: أوج و هُزام، أوج هو المشروب الصيفي الأميز وفيه ٥ مكونات منها كركديه وفواكه زي المانجو والتوت، النكهات منسجمة مع بعض وفي كل رشفة منعشة بتستوعب مكوّن جديد في المشروب اللي بيحطك في أوج الانتعاش، كذا قصدهم صح؟