فيه مكان واحد يشغّل على الدوام أغاني المطربة الإيرانية الأشهر قوقوش في مدينة الرياض: مطعم كوجه. 

لحظة دخولك لهذا المطعم أنت تتجاوز اختلافات جيوسياسية عديدة عشان توصل لـ: كباب الكوبيدة اللذيذ جدًا. 

المطعم حديث في مدينة الرياض، فتح في شهرة ٦ من سنة ٢٠٢٤، وفورًا توسّع بعد ما لاقى إقبال عالي من سكّان وزوّار المدينة. 

المطعم مزدحم دائما عشان كذا احرص تحجز قبل تروح، وأجواء المطعم الإحتفالية تخلّي كل أيام الأسبوع: ويكند.

كل شيء.  بالبداية أخيرًا صار فيه مطعم إيراني حقيقي في الرياض، أصحاب المطعم راهنوا على المطبخ الإيراني وكسبوا الرهان. 

اللي تميّز فيه فعلًا هذا المطعم هو أصالة الوصفات وحرفية التنفيذ. أشرف على المنيو طبّاخ إيراني اشتغل عند بعد من إيران مع الشيف السعودي الماهر فهد الرويشد. 

المنيو عندهم محدود ويتكون من خمسة أطباق رئيسية: كباب برق (لحم بقري)، وكباب العجل (لحم بقري)، وكباب كوبيدة (لحم نجدي)، وكباب دجاج ودجاج جوجة.

اللي يجمّل المنيو في قائمة المقبلات هو طبق الحمص، رغم انه مو طبق معتاد للمطبخ الفارسي الا انهم تميّزوا فيه مثل ما تميّز المطعم الفارسي الشهير في لندن بيرنيجاك.

 لازم تطلب الحمص، تبي تكثّر ما تبي تكثّر مالنا دخّل، لازم تطلب الحمص.

رائد المطعم أحمد الضبيب وشريكه الشيف الماهر فهد الرويشد عندهم تجارب مختلفة في المطاعم، واحد من أكثر التجارب المميزة بالرياض هو ذا بايلا بوب أب، شاحنة الطعام اللي بتتحوّل قريب لمطعم يجيب لمدينة الرياض الطعم الأسباني الأصيل.

‎ 

كانت هذي ثاني نشراتنا في لستة "مطعم الأسبوع".

تبي تصير من المحظوظين اللي وصلتهم أول ناس؟ سجل بالنشرة البريدية من هنا

أما لو تبي تشارك هالتوصية مع قروب العائلة، شارك التوصية عبر واتساب