من المطاعم الجديدة في مدينة الرياض، فتح في شهر يونيو من هذي السنة، ويعتبر من فئة مطاعم الحيّ اللي بدأت تنتشر بعد النجاح اللي صار لمقاهي الحيّ. 

أصحاب المطعم عندهم خبرة تراكمية في صناعة البرغر اللذيذ، وتفوقوا على مطاعمهم الأخرى في هذا المطعم، لكنه مب بس برقر لذيذ لأنه برضو مكان حميم يناسب لمناسبة سعيدة مع أحبابك.

المكان صغير جدًا وحميم، داخلية المطعم الخشبية تزيد أحاديثكم الجانبية دفء ومودّة، والشيء اللي يتماشى مع الداخلية الخشبية هو أصوات الآلات النحاسية في الموسيقى الخلفية اللي تكمّل تجربتك وأنت جالس مرتاح على كنب الجلد الفاخر.  

الطاقم التشغيلي للمطعم يحافظون على أصواتهم المنخفضة لأنه هدوء المكان هو جزء رئيسي من التجربة الفاخرة، والطاولات اللي بجنبك بيتجاذبون أطراف الحديث همسًا وأنت تتجاذب برقرك اللذيذ. 

إذا كنت من محبين البصل المكرمل فمبروك! تكرملت حياتك بهذا الطبق اللذيذ. برقر اللحم الشهي عندهم تعلوه حبّات السمسم في خبزة برتزل طرية يتوسطها قطعة لحم مشوية تقدر تطلبها بعدة خيارات للإستواء فوق شريحة تشيدر مذابة وصوصهم الخاص. 

لازم يرافق البرقر هذا طبق البطاطس المقلية مع بهارات الكاجون وعلبة كوكاكولا زجاجية. 

جدار المكان يقول قصّة حيّ الشهداء، لأنه مثل ما قلنا هذا مطعم حيّ، حرّصنا أ. علي الشمراني (صاحب مطعم ذا دور) على هذي المعلومة، ونقتبس منه:

" الشيء اللي ودي اذكره هو اننا نحرص لهذا المطعم يكون جزء من المجتمع في الحي، كمساحة وأسعار وتجربة، وكجزء من هدفنا هذا خصصنا جزء من الحائط خاص بالحي يحكي للزوار قصة حيّ الشهداء." 

‎ 

كانت هذي ثالث نشراتنا في لستة "مطعم الأسبوع".

تبي تصير من المحظوظين اللي وصلتهم أول ناس؟ سجل بالنشرة البريدية من هنا

أما لو تبي تشارك هالتوصية مع قروب العائلة، شارك التوصية عبر واتساب