أي مكوّن بين خبزتين يعتبر ساندويتشة… غلط!

أي أحد يقدر يسوي ساندويتشة زينة… غلط!

طلبك المفضّل ساندويتشة سبايسي تونا… غلط!

الساندويتشات فنّ قدير يبيله دراسة وتجارب كثيرة، ولأن الساندويتشة المثالية هي اللي تجمع ما بين النكهات المختلفة بطريقة متناغمة: عندنا لكم سندويشة فنانة في مطعم الأسبوع بمدينة الرياض!

إذا تبي تعرف أكثر عن الساندويتشات بالرياض، اقرأ هذي اللستة.

‎ 

‎ 

‎ 

‎ 

افتتحوا فرعهم الأول بالرياض في هُنا التخصصي، وبعد نجاح كبير افتتحوا مقرّهم الخاص الشهر الماضي.
هو جزء من مطاعم مجموعة تاج القابضة، اللي يرأسها جوريان كانديك.

هذا المطعم هو الإجابة المثالية لسؤال "وش بنتغدى اليوم؟" إذا انطرح بالمكتب؛ لأنه يرضي الصحي واللي كل همه يأكل أكل زين ويشبّع.

بروتين مبهّر: يمنع منعًا باتًا استخدام الدجاج المسلوق.

أجبان تختارها بعناية: بعض الساندويشات تحتاج جبن حادّ، وبعضها تحتاج جبن يذوب صح.

السر الحقيقي؛ واللي يكمن في الصلصات المختارة واللمسات الأخيرة: الخضار، والمخللات، ورشّة فلفل حار، وزيت الزيتون.

هذي نقاط القوة في برونتو؛ الجبن واللحم.

خبزهم مستلهم من خبز البانوزو المحلّي لمدينة سيسيلي في إيطاليا، ولكن ابتكروا نسختهم الخاصة للسوق السعودي. يوصفونه كخليط مخبوزات ما بين الشيباتا، والفوكاشيا، والبيتزا.

يؤمنون بالجودة ثمّ الجودة ثمّ الجودة، وعشان كذا الصلصات واللحوم والمخبوزات كلها تُنتج محليًا، وتيبيّن لك مدى رضا عملائهم اللي ٧٥٪ يرجعون لهم بشكل أسبوعي.

أيضًا، أعجبنا في المطعم إنه يقدّم أكلات صحية مختلفة: مكرونات وريزوتو، سلطات، وأطباق جانبية، ولكن يتميّز بالساندويتشات الإيطالية، وخصوصًا باللحوم المبردة.

قد جرّبت تاكل ساندويتشة بمكسرات؟ ساندويتشة البروساولا من برونتو بالفستق، ويضاف عليه جبن الستراتاشيلا والبارميزان والجرجير مع رشّة من خلّ البلسمك.

معنى اسم هذي الساندويتشة رئيس الرؤساء، فعلًا تستاهل هالاسم!

طلبنا المفضّل!
يستخدمون مرتديلا بقري على طريقة بولونيا، والأهم إنها محلية الصنع! فيها الستراتشياتيلا، واللي هي عبارة عن موزاريلا بوفالا مشرحة، مع بيستو، ودبس البلسمك، وإضافات لذيذة.
على كثر الإضافات، ننصحكم تضيفون عليه لحمة البريساولا.

ندري أنه طبق اعتيادي بالنسبة لك في أي مطعم إيطالي، بس حنا ننصحك تعيد التذوّق في هذي الباستا.
أكثر شيء يميّز هذا الطبق هو صوص الطماطم اللي بيخلّيك تفكر تتسلل للمطعم آخر الليل وتزرف الوصفة، ونوع الباستا اللي يستخدمونها من شركة De Cecco الإيطالية، واللي تعتبر من أفخر أنواع الباستا في السوق حاليًّا.

هذا الطبق ما كان بالمنيو الأساسي، ولكن طوروه بعد ما فهموا السوق السعودي وصار الأفضل مبيعًا!
ننصحك بهالطلب إذا تحب الأطباق الكلاسيكية.

‎ 

كانت هذي لستتنا الثالثة عشر ضمن لستات "مطعم الأسبوع" في مدينة الرياض.

تبي تصير من المحظوظين اللي وصلتهم أول ناس؟ سجل بالنشرة البريدية من هنا

أما لو تبي تشارك هالتوصية مع قروب العائلة، شارك التوصية عبر واتساب